MIKWAJU YA PENATI YAIBEBA LIVERPOOL KUTINGA FAINALI ZA CAPITAL ONE

Kocha wa Liverpool Jurgen Klopp amesema hakuangalia penati zilizoibeba Liverpool kutinga katika fainali za Kombe la Capital One na kuelekea katika nafasi ya kutwaa kombe lake la kwanza akiinoa timu hiyo msimu huu.

Katika mchezo huo Marko Arnautovic alifunga bao na kuifanya Stoke kulingana kwa magoli na Liverpool kwa manufaa ya goli la ugenini lakini machungu yaliwakuta Stoke wanaonolewa na Mark Hughes wakati wa kupigiana mikwaju ya penati. Matokeo ya mchezo huo Liverpool 6-5 Stoke.

Golikipa anayelaumiwa mno wa Liverpool, Simon Mignolet alikuwa ni shujaa wa Liverpool baada ya kuokoa kwa kupangu penati za Peter Crouch na Marc Muniesa, na kuikatia tiketi timu yake ya kukutana na Manchester City ama Everton kwenye dimba la Wembley February 28.

                           Joe Allen akimpoteza kipa wa Stoke na kupachika bao la penati 

                  Kipa wa Liverpool Simon Mignolet akipangua penati ya Peter Crouch