WATU WENYE SILAHA WAUWA WATU 19 KWENYE CHUO NCHINI PAKISTANI

Watu wenye silaha wameshambulia Chuo Kikuu kilichopo mji Charsadda kaskazini magharibi mwa Pakistani na kuuwa watu 19 na wengine 50 kujeruhiwa.

Watu wanne wanaoshukiwa kuwa ni washambuliaji wameuwawa katika mapambano ya silaha yaliyodumu kwa muda wa saa tatu kwenye Chuo hicho Kikuu cha Bacha Khan katika mji Charsadda.

Kumekuwepo na taarifa zinazochanganya iwapo wapiganaji wa Kitaliban nchini Pakistan wamehusika katika kufanya shambulizi hilo.