MAANDALIZI YA KOMBE LA DUNIA QATAR YADAIWA KUKIUKA HAKI ZA BINADAMU

Shirika Amnesty International limeishutumu Qatar kwa kuwalazimisha kwa nguvu wafanyakazi wanaofanya kazi za ujenzi wa maandalizi ya michuano ya kombe la dunia mwaka 2022.

Shirika hilo limesema wafanyakazi wa uwanja wa mpira wa Kimataifa wa Khalifa wanalazimishwa kuishi kwenye mazingira duni, kulipa ada kubwa ya kuomba kazi, mishahara yao pamoja na hati zao za kusafiria ikizuiliwa.

Shirika la Amnesty International limelishutumu Shirikisho la Soka Duniani (FIFA) kwa kushindwa kuzuia maandalizi ya michuano hiyo kufanyika kwa gharama za ukiukwaji wa haki za binadamu.