MWANAMKE AMSAFIRISHA KWA NDEGE MTOTO AKIWA NDANI YA BEGI

Mwanamke amesafiri kwa ndege kutoka Instanbul hadi Paris akiwa na mtoto wakike wa miaka minne aliyefichwa kwenye begi, shirika la ndege la Ufaransa limesema.

Shirika hilo la ndege limesema mtoto huyo aliyesafiri bila tiketi alibainika akiwa ndani ya ndege siku ya jumatatu usiku.

Vyanzo katika uwanja wa ndege vimesema mwanamke aliyefanya kitendo hicho ni Mfaransa ambaye alikuwa katika mchakato wa kumuasili mtoto huyo raia wa Haiti.

Shirika la ndege la Ufaransa liliziarifu mamlaka za Ufaransa lakini waendesha mashtaka wameamua kutomfungulia mashtaka mwanamke huyo.