ATLETICO MADRID YAJIWEKA KATIKA NAFASI NZURI KUTINGA FAINALI ZA UEFA

Goli la jitihada binafsi za Saul Niguez limeiweka Atletico Madrid katika nafasi nzuri ya kuweza kufuzu fainali za Ligi ya Mabingwa Ulaya dhidi ya Bayern Munich ya Ujerumani.

Niguez alipasua kati kati ya mabeki wa Bayern kabla ya kuachia shuti lililojaa kwenye kona ya goli na kuipatia Atletico Madrid ushindi wa bao 1-0 dhidi ya Bayern Munich, katika mchezo huo wa kwanza wa nusu fainali.

Bayern Munich waliokuwa ugenini walitawala katika kipindi cha kwanza huku shuti la David Alaba likigonga mwamba na shambulizi lililofanywa na Arturo Vidal likiokolewa.

                       Saul Niguez akishangilia goli lake baada ya mpira kutinga wavuni

                                        Fernando Torres akiachia shuti lililogonga mwamba

  Asanteni kwa kuja: Kocha Simeone akimpa mkono Pep Guardiola wa Bayern baada ya kumalizika mchezo