MANCHESTER UNITED YAISHUSHA DARAJA ASTON VILLA

Timu ya Manchester United haikuwa na huruma dhidi ya Aston Villa baada ya kuisukumiza nje ya Ligi Kuu ya Uingereza kwa kuifunga bao 1-0 katika mchezo uliopigwa katika dimba la Old Trafford.

Ikicheza na kapteni wao Wayne Rooney ambaye alikuwa majeruhi kwa muda Manchester United iliutawala vyema mchezo huo, na alikuwa kinda Marcus Rashford aliyefunga bao pekee kwa kuunganisha kiufundi pande la Antonio Valencia.

                       Kinda Marcus Rashford akiukata mpira kiufundi uliojaa wavuni

Katika mchezo mwingine Newcastle imepata ushindi wake wa kwanza ikinolewa na Rafael Benitez baada ya kuifunga Swansea mabao 3-0 na kuimarisha nafasi yakubakia katika Ligi Kuu ya Uingereza.

Jamaal Lascelles alifunga bao la kwanza la Newcastle kwa mpira wa kichwa akiunganisha mpira wa kona, mwishoni mwa nusu ya kwanza ya mchezo. Magoli mengine yalifungwa na Moussa Sissoko na Andros Townsend.

             Jamaal Lascelles akiufuata mpira alioutumbukiza wavuni kwa kichwa