MICHUANO YA MEI MOSI, KESHO UCHUKUZI NETIBOLI KUANZA NA CDA DODOMA UWANJA WA JAMUHURI

Mary Kajigiri (mwenye mpira) akimpasia Mwadawa Hamis (katikati)

Subira Jumanne (mwenye mpira) akijiandaa kurusha mpira.

Tatu Kitula (mwenye mpira) akimpasia Grace Mwasote (katikati).

Kocha wa soka Elutery Muholeli (wanne kulia) mwenye jezi za manjano akitoa maelekezo kwa wachezaji.

Kocha Elutery Muholeli (mwenye jezi ya njano katikati) akitoa maelekezo kwa wachezaji wa soka wa Uchukuzi SC.

Elutery Muholeli (katikati) akiendelea kutoa mafunzo kwa wachezaji wakati wa mazoezi kwenye uwanja wa Jamhuri mkoani hapa.

Wanariadha Ramadhani Mwakilongo na Leonard Julius wakifanya mazoezi ya kuendesha toroli, yanayosaidia misuli kukunjuka.

Kocha wa riadha Kingsley Marwilo akimfanyisha mazoezi ya kuendesha toroli mwanaradha pekee wa kike, Scolastica Hasiri.

Mwadawa Hamis (mwenye mpira)

Gracw Mwasote (kulia) akiomba mpira kwa Mwadawa Hamis (kushoto).

Mary Kajigiri (mwenye fulana ya kijani) akirusha mpira.

Matalena Mhagama (mwenye fulana nyeupe kulia) akisubiri mpira.

Subira Jumanne (mwenye jezi nyeupe mbele) akiwaelekeza wachezaji wenzake wakati wa mapumziko.

TIMU ya netiboli ya Uchukuzi SC iliyopo chini ya Wizara ya Ujenzi, Uchukuzi na Mawasiliano kesho itarusha karata yake ya kwanza kwa kuumana na wenyeji CDA Dodoma katika mchezo wa netiboli, utakaofanyika kwenye uwanja wa Jamhuri.

Uchukuzi SC iliyoundwa na wachezaji mahiri imekuwa katika mazoezi ya muda mrefu, huku ikipata mechi kadhaa za kirafiki dhidi ya timu maarufu ya Cargo na Uhamiaji zote za jijini Dar es Salaam.

Kocha Mkuu wa timu hiyo, ambaye pia ni mchezaji wa zamani wa Bandari na timu ya Taifa, Judith Ilunda alisema wamekuja kushindana na sio kuwa wasindikizaji, ambapo wanatarajia ushindi mnono dhidi ya wapinzani wao.

Hatahivyo, Ilunda alisema CDA sio timu ya kubeza kwani inaundwa na wachezaji wazoefu, wenye kujua mbinu mbalimbali za uchezaji, hivyo atahakikisha wachezaji wake watacheza kwa tahadhari, ili kuibuka na ushindi.

“Tumekuja kushindana huku na kamwe hatutakubali kuwa wasindikizaji, hivyo nitahakikisha wachezaji wangu wanajituma kila idara ili tushinde kwani hii timu tunayocheza nayo inawachezaji wakongwe na wenye uzoefu,” alisema Ilunda.

Aliwataja wachezaji wanaounda kikosi mahiri na nafasi zao uwanjani kuwa ni Matalena Mhagama (GA), Subira Jumanne (WD), Mwadawa Hamis (GD), Sharifa Mustafa (GK), Mary Kajigiri (WA) na Mayasa Hamidu .

Wachezaji wengine ni Grace Mwasote (GS), Neema Makassy (WD), Johari William (GK), Salama Mbuguni (WA), Mwanaisha Athuman (WD) na Tatu Kitula (GS).

Timu hiyo mwaja jana katika mashindano ya Mei Mosi iliyofanyika Mwanza ilishika nafasi ya pili, baada ya kukutana na Utumishi katika fainali.

Michezo hii ya Mei Mosi, ambayo ilianza jana (Jumanne) inazinduliwa rasmi leo (Jumatano) na mgeni rasmi mkuu wa mkoa, Jordan Rugimbana.

MWISHO