MAELFU YA WATU NCHINI DRC WAJITOKEZA KUUAGA MWILI WA PAPA WEMBA

Maelfu ya raia wa Jamhuri ya Kidemokrasia ya Congo, wamejitokeza kutoa heshima za mwisho kwa mwili wa mwanamuziki nyota Papa Wemba katika siku ya kwanza ya zoezi hilo.

Mwili wa Papa Wemba umewekwa kwenye jengo la bunge Jijini Kinshasa na baadaye utapelekwa nyumbani kwa familia yake kwa ajili ya wananchi kutoa heshima za mwisho.

Papa Wemba aliyefariki dunia akiwa na umri wa miaka 66, baada ya kuanguka jukwaani nchini Ivory Coast Aprili 24, atazikwa siku ya jumatano.

                   Jeneza lenye Mwili wa Papa Wemba likiwa ndani ya jengo la Bunge

                                            Marehemu Papa Wemba akiimba enzi za uhai wake