MARADONA AUNGANA NA RAIS KUMTAKA MESSI ABADILI MSIMAMO WAKE

Lionel Messi ameombwa kufikiria upya uamuzi wake wa kujiuzulu kucheza kimataifa na mchezaji nyota mkongwe wa zamani wa Argentina Diego Maradona pamoja na rais wa nchi yake.

Mshambuliaji huyo, 29, alitangaza kujiuzulu kuichezea Argentina baada ya kukosa penati katika fainali za Copa America na kupoteza nafasi ya kushinda michuano mikubwa kwa mara nne ndani ya miaka tisa.

Maradona amesema kuwa wale wanaosema Messi aache kuichezea Argentina wanataka kuona namna taifa hilo litakavyotumbukia katika hali mbaya ya matokeo ya kisoka.

Huko Jijini Buenos Aires limetambulishwa sanamu la Lionel Messi, huku rais wa Argentina akisema atakutana na Messi wiki ijayo kumshawishi abadili msimamo wake.