MAANDAMANO YAAENDELEA KATIKA MIJI KADHAA YA MAREKANI KUPINGA POLISI KUWAUWA WEUSI

Maandamano yanaendelea katika miji kadhaa ya Marekani dhidi ya vitendo vya polisi weupe kuwauwa watu weusi kwa risasi, kufuatia vifo vya watau wawili hivi karibuni huko Minnesota na Louisiana.

Barabara zilifungwa na makombora kurushwa huko Minnesota, wakati wafusi wa kundi lenye silaha la wanachama wa New Black Panther walipokuwa wakipambana na polisi eneo la Baton Rouge, Louisiana.

Makumi ya watu wamekamatwa lakini hata hivyo kwa jumla maandamano yamefanyika kwa amani. Hali pia ni ya hofu huko Dallas, ambako polisi watano wameuwawa na mtu mwusi aliyekuwa na silaha wakati wa maandamano.

                                      Mmoja wa waandamanaji akiwa ameshikiliwa na polisi