RAIA WA KENYA WALIOKIMBIA MAPIGANO SUDAN KUSINI WASIMULIA WALIYOPITIA

Raia wa Kenya waliofanikiwa kuondoka Sudan Kusini, wameelezea hali ya mateso waliyopitia baada ya kuibuka mapigano ya wanajeshi watiifu kwa rais na wale watiifu kwa makamu wa rais Jijini Juba.

Wamesema kuwa walilazimika kulala chini ya vitanda pamoja na watoto wao, wakati mapigano yalipoibuka na wakati wote huo mambo yalikuwa magumu mno kwao na wamepoteza kila kitu.

Mmoja wa raia hao wa Kenya Millicent Anyango ambaye ameletwa kwa ndege hadi nchini Kenya amesema hawakuwa na chakula Sudan Kusini, pia waliporwa kila kitu pamoja na fedha zao.