UJERUMANI YAISUKUMA NJE YA EURO 2016 TIMU YA ITALIA KWA MATUTA

Timu ya taifa ya Ujerumani imetinga nusu fainali za michuano ya Euro 2016, baada ya kushinda kwa mikwaju ya penati 6-5 dhidi ya Italia katika mchezo uliojezwa jana usiku mjini Bordeaux, Ufaransa.

Kikosi hicho cha Joachim Low, mabingwa wa kombe la dunia kilionesha nia ya kushinda mchezo huo pale Mesuit Ozil alipopachika goli la kwanza katika dakika ya 65.

Hata hivyo Italia hawakukata tamaa na uzembe uliofanywa na beki Jerome Boateg wa kushika mpira pasipo kuwa na sababu, uliwafanya wasawazishe kwa penati Leonardo Bonucci na kufanya matokeo kuwa 1-1.

Leonardo Bonucci licha ya kupata penati ndani ya dakika 90, alikosa penati katika hatua ya mikwaju ya penati

Wachezaji wa Italia wakiwa wameduwaa baada ya kutolewa kwa mikwaju ya penati na Ujerumani