WAPIGANAJI WA AL-SHABAAB WAPORA SILAHA KATIKA KITUO CHA POLISI KENYA

Wapiganaji wanaodaiwa kuwa wa kundi la al-Shabaab leo asubuhi wamevamia  kituo cha polisi kilichopo Wajir kaskasini mashariki mwa Kenya na kuiba bunduki na risasi.

Shambulio hilo la kituo cha polisi cha Diff kilichopo Wajiri Kusini limefanyika majira ya saa saba usiku na kuwazidi nguvu polisi waliokuwa kwenye kituo hicho.

Mkuu wa Jeshi la Polisi IGP Joseph Boinnet amesema wapiganaji hao wa al-Shabaab wapatao 100 wakiwa na gari lenye silaha nzito pia wamepora kwenye maduka na kumjeruhi polisi mmoja.