WATOTO WAPATAO ROBO MILIONI WAPO HATARINI KUFA KWA NJAA NCHINI NIGERIA

Karibu robo milioni ya watoto katika sehemu ya jimbo la Borno nchini Nigeria lililokuwa likikaliwa na kundi la Boko Haram wanakabiliwa na utapiamlo.

Shirika la Umoja wa Mataifa la Kuwahudumia Watoto (UNICEF) limesema makumi ya maelfu ya watoto hao watakufa iwapo hawatofikiwa na huduma za tiba mapema.

Katika eneo ambalo wapiganaji wa Boko Haram walikuwa wakilishikilia, UNICEF, wamekuta watu wakiwa hawana maji, chakula na mazingira machafu.

Mwezi uliopita shirika la UNICEF lilisema watu waliokuwa wanakimbia maeneo waliopo Boko Haram wanakufa kwa njaa.