MABONDIA KUPIMA UZITO KESHO JUMAMOSI KWA AJILI YA MPAMBANO WAO WA OCTOBER 2 KIMARA KOROGWE

Na Mwandishi Wetu.Mgeni rasmi katika mpambano wa Mabondia mbalimbali watakaozipiga siku ya jumapili ya Oktober 2 katika ukumbi wa White House Bar Kimara Korogwe atakuwa Mkuu wa Wilaya ya Ubungo, Humphrey Polepole.
 
Mabondia hao watapima uzito pamoja na Afya zao kesho jumamosi katika ukumbi wa White haouse kwa ajili ya kuzipiga siku inayo fuata.

Akizungumzia mpambano huo, kocha wa kimataifa wa mchezo wa masumbwi nchini ambaye ni mratibu wa mpambano huo Rajabu Mhamila 'Super D' amesema kuwa mabondia wote watapima uzito pamoja na Faya Zao siku ya jumamosi.

Aliwataja baadhi ya mabondia watakaozipiga na kesho watapima uzito ni Said Chino atakayezitwanga na Haidar Mchanjo uzito wa kg 57 raundi sita, wakati Abdallah Ruwanje atavaana na Shedrack Ignas mpambano wa raundi sita la uzito wa kg 63, wakati bondia mkongwe kabisa katika mchezo wa masumbwi nchini Mustafa Doto atazipiga na bondia chipkizi Manyi Issa katika uzito wa kg 61 raundi sita.
 
Mapambano mingine itawakutanisha mabondia Mohamed Muhunzi atakayepambana na Kassim Ahmad na Hashimu Chisora atazipiga na Rojas Masam uzito wa kg 61 na Julias Jackson atapambana na Emilio Norfat mpambano wa raund 4 uzito wa kg 61 na Ellsame Mbwambo atazipiga na Emanuel Kisawani mpambano wa raundi 4 uzito wa kg 61.

Siku hiyo pia kutakuwa na elimu ya ujasiliamali kwa vijana wa mchezo wa masumbwi pamoja na kupatiwa mafunzo mbalimbali ya kujikwamuwa na uchumi
 
Katika Mchezo huo kutakua na Uzwaji wa DVD za mafunzo ya mchezo wa ngumi pamoja na kutambua sheria zake mbalimbali zitakazokua zikisambazwa na kocha 'Super D' kwa ajili ya kuwapa mabondia mbalimbali mbinu za mchezo na mashabiki kujua sheria za masumbwi.
 
Ndani yake wakiwemo mabondia Floyd Mywether, Manny Paquaio, Amiri Khani, Mohamedi Ali, Mike Tayson David Haye na wengine ambapo kutakuwa na matukio ya mazoezi yao katika mataifa yao ikumbukwe kuwa ni mabingwa wa dunia. na kutakuwa na mapambano makubwa matano ya utangulizi.