MWAI KIBAKI WA KENYA AREJEA NYUMBANI KENYA KIMYA KIMYA

Aliyekuwa rais wa Kenya Mwai Kibaki amerejea nchini humo kimya kimya akitokea nchini Afrika Kusini alipokuwepo kwa karibu wiki tatu akipatiwa matibabu.

Ripoti zimeeleza kuwa Kibaki aliambatana na watu wa karibu wa familia yake na madaktari kutoka Johannerburg aliwasili katika uwanja wa ndege wa Jumo Kenyatta jumapili majira ya saa nne usiku.

Jana na leo rais huyo wa zamani alitumia muda wake akiwa nyumbani kwake Muthaiga akiwa na wanafamilia wa karibu pamoja na wadogo zake.

Kwa mujibu wa chanzo kutoka familia ya Kibaki, kimesema familia yake ilitaka arejee kimya kimya bila ya kuutangazia umma.