MAKUMI YA MAELFU YA RAIA WA CUBA WAMUENZI FIDEL CASTRO KATIKA SIKU YA MWISHO

Rais wa Cuba Raul Castro ameongoza tukio la mwisho la kumuenzi kaka yake marehemu Fidel Castro lililofanyika katika mji wa Santiago.

Makumi ya maelfu wananchi wa Cuba walihudhuria tukio hilo pamoja na viongozi kadhaa wa dunia.

Akiongea katika tukio hilo Raul Castro ameapa kulinda misingi ya kisosholisti na malengo yake yaliyoongozwa na Fidel, aliyefariki dunia Novemba 25, akiwa na umri wa miaka 90.

Pia ametangaza kuwa Cuba itapiga marufuku kuita jengo lolote ama barabara jina la Fidel Castro ikiwa ni ombi alilotoa marehemu kaka yake kabla ya kufa.

Majivu ya mwili wa kiongozi wa mapinduzi ya Cuba Fidel Castro yakiwa yamebebwa kwenye kisanduku chenye bendera kwenye gari maalum la jeshi

Mmoja wa wapiganaji wakati wa mapinduzi Paulina Bellard akiangua kilio baada ya kuona sanduku lenye majivu ya mwili wa Fidel Castro