FIFA YAPITISHA PENDEKEZO LA KUONGEZA TIMU ZA KOMBE LA DUNIA

Shirikisho la Soka Duniani (FIFA) limeamua kuongeza timu za taifa zitakazo shiriki michuano ya Kombe la Dunia na kuwa timu 48, kutoka timu 32 za sasa.

Katika hatua ya awali makundi 16 ya timu tatu yatacheza mechi za mitoano ili kubakia na timu za taifa 32, ikiwa ni mabadiliko yaliyofanywa kwa michuano ya kombe la dunia ya mwaka 2026.

Shirikisho la Soka la Fifa, limepiga kura nyingi za kuridhia mabadiliko hayo katika mkutano wao uliofanyika hii leo Jijini Zurich.

Kwa mabadiliko hayo mechi za michuano hiyo zitaongezeka na kuwa 80, kutoka 64 za sasa hata hivyo bado washindi watacheza mechi saba.