TOTTENHAM YATOLEWA NJE LIGI YA UROPA, HUKU HARRY KANE AJIKIFUNGA

Tottenham iliyobakia na wachezaji 10 uwanjani imetolewa katika michuano ya Ligi ya Uropa na Gent baada ya kutoka sare ya goli 1-1 katika uwanja uliojaa watazamaji wa Wembley.

Spurs, iliyokuwa imefungwa goli 1-0 bila katika mchezo wa kwanza hatua ya 32 bora, ilianza vizuri baada ya Victor Wanyama kufunga goli kwa mpira shuti kali.

Wageni Gent walisawazisha kupitia kwa Harry Kane aliyejifunga, na kuifanya Spurs kuhaha kutafuta kufunga magoli mawili ya ziada jambo ambalo lilishindikana.

                                              Victor Wanyama akiwa ameachia shuti lililojaa wavuni

            Harry Kane akijifunga kwa mpira wa kichwa wakati akijaribu kuokoa mpira wa kona