VYOMBO VYA HABARI VYAIJIA JUU IKULU YA MAREKANI

Mashirika ya habari ya kimataifa yamekasirishwa na hatua ya baadhi ya vyombo vya habari kuzuiwa kuhudhuria mikutano rasmi ya Ikulu ya Marekani na Afisa Habari wa Ikulu Sean Spicer.

Vyombo vya habari vilivyozuiwa mikutano hiyo ya Ikulu ni pamoja na BBC, CNN, the New York Times, the Guardian, the Los Angeles Times, Buzzfeed, the Daily Mail pamoja na Politico.

Gazeti la New York Times limesema hatua hiyo haikubaliki na ni tusi kwa demokrasia, huku BBC ikitaka kupatiwa ufafanuzi na Ikulu ya Marekani kuhusiana na uamuzi huo unaokandamiza uhuru wa vyombo vya habari.

CNN wao wamesema jambo hilo halikubaliki na kuongeza kuwa hivyo ndivyo hufanyavyo utawala wa rais Trump kujaribu kuvizima vyombo vya habari vinavyoripoti ukweli wasioutaka.

Marufuku hiyo imetolewa wakati rais Donald Trump akitoa matamishi ya kuvishambulia vyombo vya habari akisema habari feki ni adui ya watu.

        Waandishi wa vyombo mbalimbali vya habari wakiwa kwenye mkutano wa habari Ikulu