WACHOVU LEICESTER CITY YAFUFUKIA KWA LIVERPOOL

Timu ya Leicester City imecheza kwa kiwango kinachoridhisha katika mchezo wao wa kwanza tangu wamtimue kocha wao Claudio Ranieri na kuibuka na ushindi wa magoli 3-1 dhidi ya Liverpool.

Kwa matokeo hayo ya mchezo huo wa Ligi Kuu ya Uingereza Leicester imejikwamua kutoka nafasi tatu za chini, kupitia magoli mawili kutoka kwa Jamie Vardy na moja la Danny Drinkwater

Mabingwa hao watetezi wa Ligi Kuu ya Uingereza walionekana kuimarika mno wakiwa chini ya Craig Shakespeare anayeinoa kwa muda, ambaye anaiongoza timu hiyo kutoka ya Ranieri aliyeisaidia kutwaa ubingwa msimu uliopita.

                                                Danny Drinkwater akifunga goli la pili la Leicester City

    Jamie Vardy akifunga goli lake la pili katika mchezo huo na kufanya matokeo kuwa 3-1