NAHODHA SERGIO RAMOS AIFUNGIA REAL MADRID GOLI LA USHINDI

Sergio Ramos ameifungia Real Madrid goli la ushindi la dakika za mwisho na kuifunga Real Betis iliyobakia na wachezaji 10 kwa magoli 2-1 katika mchezo wa La Liga.

Katika mchezo huo Keylor Navas alikoswakoswa kupata kadi nyekundu kwa kumchezea rafu Darko Brasanac, kisha baadaye akajifunga kwa mpira wa shuti la Antonio Sanabria.

Mchezaji nyota wa Real Madrid Cristiano Ronaldo aliifungia Madrid goli la kusawazisha kupitia kwa krosi ya Marcelo kabla ya mapumziko.

Beki wa Real Betis, Matteo Piccinini alitolewa nje kwa kumchezea vibaya Lucas Vazquez zikiwa zimebakia dakika 12, kabla ya Ramos kufunga kwa kichwa mpira wa kona ya Toni Kroos.

             Keylor Navas akiwa amelala chini baada ya kufanya uzembe na kujifunga

    Mpira wa kichwa cha kuchupa kilichopigwa na Ronaldo ukimshinda kipa na kujaa wavuni