WAZIRI KIJANA ZAIDI NCHINI SOMALIA AUWAWA KWA KUPIGWA RISASI

Waziri wa Ujenzi wa nchini Somalia Abdullahi Sheikh Abas ameuwawa baada ya msafara wake kushambuliwa Jijini Mogadishu.

Taarifa zinasema kwamba Waziri Abdullahi Sheikh Abas, alipigwa risasi na kufa karibu na Ikulu ya rais kwa mujibu wa vyombo vya habari vya Somalia.

Bw. Abas aliwahi kuwa mkimbizi aliyekulia kambi ya Dadaab nchini Kenya, ambayo ni makazi ya mamia ya wasomali waliokimbia vita vya wenyewe kwa wenyewe.

Alikuwa mbunge kijana kuliko wote katika nchi hiyo Novemba mwaka jana, akiwa na miaka 31 alipomshinda waziri wa zamani.