MJAMAICA USAIN BOLT ASHINDA MBIO ZA LIGI YA DIAMOND

Bingwa wa mara nne wa Olimpiki Usain Bolt ameshinda mbio za mita 100 katika mashindano ya ligi ya Diamond huko Monaco.

Mjamaica Bolt (30) ametumia sekunde 9.95 katika mbio zake hizo za mwisho za michuano hiyo akimshinda Mmarekani Isiah Young (9.98) na Akani Simbine (10.02) wa Afrika Kusini.

Katika mbio zingine Muingereza Laura Muir alishindwa kiurahisi na Mkenya Hellen Obiri katika mbio za mita 3,000 kwa wanawake.

Mjamaica Usain Bolt akiwa ameshika kombe la dhahabu, akiwa pia na medali yake ya dhahabu

      Mwanariadha Usain akishangilia ushindi wake akiwa na mashabiki wake wa kike