MWANAMKE ATAFUTA NA MAMLAKA SAUDI ARABIA KWA KUVAA KIMINI HADHARANI

Mamlaka nchini Saudi Arabia inachunguza video ya msichana mmoja aliyoiposti ikimuonyesha akiwa amevalia sketi fupi na blauzi yenye kuonyesha sehemu ya tumbo akiwa kwenye eneo la umma.

Video hiyo imeibua mjadala mkubwa kwenye mitandao ya jamii, huku baadhi wakitaka msichana huyo aitwaye Khulood achukuliwe hatua, akamatwe kwa kuvunja Sheria kali za mavazi ya Kiislam.

Wanawake nchini Saudi Arabia wanalazimika kuvaa mavazi yasiyobana ambayo ni marefu yanayofunika maungo yao yajulikanayo kama "abayas" pamoja na kufunika kichwa wawapo maeneo ya umma.