WAYNE ROONEY AANZA KWA KUFUNGA GOLI AKIWA NA EVERTON

Mshambuliaji nyota Wayne Rooney amefungua akaunti yake ya magoli akiwa na Everton kwa kufunga shuti la mbali katika dakika ya 34 na kuisaidia timu yake kuibuka na ushindi wa magoli 2-1 dhidi ya Gor Mahia.

Katika mchezo huo uliochezwa kwenye Uwanja wa Taifa Jijini Dar es Salaam na kushuhudia na maelfu ya mashabiki, timu ya Gor Mahia ilisawazisha goli hilo katika dakika ya 37 kupitia kwa Meddie Kagere kwa mpira wa kichwa.

Timu zilivyoenda mapumziko Rooney hakurejea uwanjani, baada ya kocha wa Everton Ronald Koeman kuamua kubadilisha kikosi chote cha wachezaji 11, huku nayo Gor Mahia nayo ikifanya mabadiliko ya mara kwa mara lakini ilikuwa Everton iliyopata goli la pili kupitia Kieran Dowell.

                        Mshambuliaji nyota Wayne Rooney akiachia shuti na kufunga goli

Shabiki aliyevalia jezi ya Manchester United alivamia uwanjani kumkumbatia Rooney

Askari polisi wakimuondoa kwa nguvu shabiki aliyevamia uwanjani ili kumkumbatia Rooney