WAYNE ROONEY ATUA DAR NA EVERTON KUIVAA GOR MAHIA

Mchezaji nyota wa Uingereza, Wayne Rooney, amewasili nchini akiwa na timu yake mpya ya Everton na kulakiwa na Waziri wa Habari, Utamaduni, Sanaa na Michezo Dk. Harrison Mwakyembe.

Kikosi cha timu ya Everton inayoshiriki Ligi Kuu ya Uingereza kilitua katika uwanja wa ndege wa Kimataifa wa Julius Nyerere Jijini Dar es Salaam majira ya saa tatu asubuhi kikitokea Uingereza.

Everton wapo nchini Tanzania katika ziara ya kisoka ikijiandaa na msimu mpya wa Ligi Kuu ya Uingereza ambapo kesho itashuka dimbani kuvaana na mabingwa wa SportPesa Super Cup timu ya Gor Mahia ya Kenya.

Waziri wa Habari, Utamaduni, Sanaa na Michezo Dk. Harrison Mwakyembe akisalimiana na Wayne Rooney baada ya kuwasili leo Jijini Dar es Salaam