PAPA AWATAKA WAKATOLIKI KUGUSWA NA MAGUMU YA WAHAMIAJI

Papa Francis amewataka Wakatoliki kutilia maanani magumu wanayopitia wahamiaji waliokimbia nchi zao, kauli ambayo ametoa katika misa ya mkesha wa Krismasi.

Kiongozi huyo wa Kanisa Katoliki Duniani amelinganisha mateso ya wahamiaji na Maria na Joseph, ambao Biblia inaelezwa walisafiri kutoka Nazareth kwenda Bethlehem na kukosa sehemu ya kukaa.

Papa ambaye hii leo anatarajiwa kutoa hotuba yake ya Krismasi kwa miji na dunia, amesema anatumia mamlaka yake ya kiroho kuwaombi ulinzi wahamiaji.