TOTTENHAM YAPAMBANA KIUME NA KULAZIMISHA SARE NA JUVENTUS

Tottenham iliyotanguliwa kufungwa imepambana kiume na kulazimisha sare ya magoli 2-2 dhidi ya Juventus katika mchezo wao wa kwanza wa kuwania kutinga hatua 16 bora ya Ligi ya Mabingwa Ulaya uliochezwa Jijini Turin.

Kikosi hicho cha Tottenham kinachonolewa na Mauricio Pochettino kilikuwa nyuma kwa magoli 2-0 ndani ya dakika 10 baada ya Gonzalo Higuain kufunga goli la kwanza dakika ya pili na kisha kuongeza la pili kwa mkwaju wa penati dakika ya tisa.

Harry Kane alikuwa wa kwanza kuchomoa goli la kwanza baada ya kumzunguka kipa Gianluigi Buffon kufuatia pasi ya Deli Alli, kisha Higuain akakosa penati. Spur ilipata goli lake la pili kwa mpira wa adhabu uliopigwa na Christian Eriksen.

Mshambuliaji nyota wa Tottenham Muingereza Harry Kane akifunga goli baada ya kumzunguka kipa

                            Gonzalo Higuain akifunga goli la pili la Juventus kwa mkwaju wa penati