AL-SHABAAB WAAPA KUHAMISHIA VITA KUTOKA SOMALI HADI NCHINI KENYA

Kikundi cha al-Shabaab chenye uhusiano na Al-Qaeda leo kimeapa kuhamishia vita ya Somalia nchini Kenya, ambapo mmoja wa makamanda wao amesikika akiwataka wapiganaji wa kundi hilo kuishambulia Kenya.

Akiongea kwenye kituo cha radio cha Andalus hii leo mmoja wa makamanda wa juu wa al-Shabaab, Fuad Mohamed Khalaf amesema watahamisha vita Kenya na iwapo watamuua msichana wa Somalia nao wataua msichana wa Kenya.

Khalifa ambaye alikuwa akiongea kwenye redio hiyo inayomilikiwa na al-Shabaab amesikika akitoa wito kwa waislam wa Kenya kupigana na serikali yao, kwa madai kuwa Kenya imekuwa ikiwauwa ndugu zao na watoto wa Somalia.