WAZIRI WA MALAWI AJIUA BAADA YA KUPOTEZA KITI CHA UBUNGE KATIKA UCHAGUZI

Waziri mmoja wa Malawi amejiua, ambapo polisi wamesema ni kutokana na kupoteza kiti cha ubunge katika uchaguzi mkuu uliofanyiaka siku ya Jumanne.

Polisi wa Malawi wamesema Waziri huyo Godfrey Kamanya aliyekuwa Naibu Waziri wa Serikali ya Mitaa amejiua kwa kujipiga risasi nyumbani kwake.

Hata hivyo msemaji wake amekanusha ripoti hizo zinazoeleza kujiuwa kwake kunatokana na kupoteza kiti cha ubunge.

Matokeo rasmi bado hayajatangazwa katika uchaguzi huo ambao kunaushindani mkali katika kinyang'anyiro cha urais.