HARAMBEE STARS YAANZA VYEMA, UGANDA YAAMBULIA KIPIGO MADASCAR

Timu ya Taifa ya Kenya Harambee Stars imeanza vyema kampeni za kuwania kufuzu fainali za Kombe la Mataifa ya Afrika baada ya jana kuifunga Comoro bao 1-0, katika mchezo uliochezwa kwenye dimba la Nyayo.

Katika mchezo huo wenyeji Harambee Stars walikuwa wafunge magoli mengi lakini hata hivyo walipoteza nafasi na kujikuta wakipata bao hilo katika dakika ya 35 kupitia kwa Johanna Omollo ambaye anasakata soko huko Ubelgiji.

Wakati Kenya ikianza vyema timu ya taifa ya Uganda The Cranes imejikuta ikianza vibaya baada ya kukubali kipigo cha mabao 2-1 kutoka kwa wenyeji Madagascar.

Uganda inayonolewa na Kocha Milutin Sredojevic “Micho” ilipata bao pekee la ugenini kupitia kwa Hamis Kiiza na kufufua matumaini ya The Cranes kufanya vyema katika mchezo wa marudiano utakaofanyika Mei 31Jijini Kampala.