NOVAK DJOKOVIC AMFUNGA NADAL NA KUTWA TAJI, SERENA WILLIAMS NAE SAFI

Novak Djokovic ameshinda taji la tatu la michuano ya wazi ya Italia na kuashiria kujipanga vyema kwa michuano ya wazi ya Ufaransa baada ya kumshinda Rafael Nadal katika mchezo uliochezwa Jijini Rome.

Djokovic, amemfunga bingwa mtetezi ambaye pia ni mchezaji namba moja duniani katika mchezo tenesi, kwa kupata seti 4-6 6-3 6-3 katika mchezo uliochezwa kwa muda wa saa mbili na dakika 19.

Naye mchezaji namba moja duniani katika mchezo wa tenesi kwa wanawake Serena Williams amemzidi nguvu Sara Errani na kutetea taji la michuano ya wazi ya Italia.

Williams alimyong'onyeza kilaini Errani kwa seti 6-3 6-0 Jijini Rome na kuweka rekodi ya kutwaa ushindi wa michuano hiyo ya uwanja wa udongo mara 53 na kushindwa mara mbili tangu 2012.