KOCHA DAVID MOYES ACHUNGUZWA NA POLISI KWA KUMPIGA MTU KATIKA UGOMVI KWENYE BAA

Mikosi imeendelea kumuandama aliyekuwa kocha wa Manchester United, David Moyes ambae sasa anachunguzwa na polisi kuhusiana na ugomvi katika baa ya mvinyo iliyopo Lancashire.

Maafisa polisi waliitwa katika baa ya Emporium siku ya jumatano usiku baada ya mwanaume mmoja Joshua Gillibrand kuripoti kupigwa na Moyes. Hadi sasa hakuna mtu aliyekamatwa na polisi bado wanachunguza tukio hilo.

Kocha David Moyes alifukuzwa kazi ya kuinoa Manchester United mwezi huu baada ya kuinoa klabu hiyo kwa miezi 10 tu.