LUIS SUAREZ KUCHEZA KOMBE LA DUNIA LICHA YA KUFANYIWA UPASUAJI KWENYE GOTI

Mshambuliaji wa Uruguay, Luis Suarez atacheza michuano ya kombe la dunia licha ya kufanyiwa upasuaji kwenye goti, chama cha mchezo cha nchi hiyo kimesema.

Mshambuliaji huyo wa timu ya Liverpool alipata maumivu makali wakati wa mazoezi siku ya Jumatano, na kufanyiwa upasuaji wa kurekebisha tatizo lake lililokuwa linamsumbua.

Inakadiriwa kuwa itamchukua Suarez kati ya siku 15 ama wiki nne kuweza kupona goti lake, wakati timu yake ya Uruguay ikipangwa kuanza michuano ya kombe la dunia Juni 14.