SHAMBULIO LA KUBAMIZWA MAGARI KWENYE DUKA LA BIDHAA LAUA WATU 31 NCHINI CHINA

Washambuliaji nchini China katika mkoa wa Xinjiang wamebamiza magari mawili kwenye duka kubwa la bidhaa na kuwaua wateja 31 vyombo vya habari vya China vimeripoti.

Pia watu hao wametupa milipuko wakati wa shambulio hilo katika mji mkuu wa mkoa huo, wa Urumqi, ambapo watu wengine zaidi ya 90 wamejeruhiwa kwa mujibu wa shirika la habari la taifa la China la Xinhua.

Wizara ya Usalama wa Raia China imeliita tukio hilo lililotokea katika mji huo ambao ni makazi ya kundi dogo la waumini wa Kiislam kuwa ni tukio la kikatili la kigaidi.