ABIRIA AHOFIWA KUWA NA MAAMBUKIZI YA EBOLA, NI BAADA YA KUTAPIKA DAMU NDEGE IKIWA ANGANI

Ndege iliyokuwa ikisafiri kutoka Sydney kuelekea Darwin ikiwa na abiria 140 ndani jana jumatano ilibidi kugeuka na kurejea tena mjini Sydney saa moja tu baada ya kuwa imeruka angani baada ya abiria wake mmoja mwanaume kuanza kutapika damu ndege ikiwa angani, hali iliyozua taharuki kwa abiria wakihofia kuwa abiria huyo uhenda ana maambukizi ya virusi vya Ebola.

Msemaji wa shirika hilo la ndege alithibitisha abiria huyo kupatwa na hali hiyo na kukanusha kuwa uhenda hizo ni dalili za abiria huyo kuwa na maambukizi ya uginjwa wa Ebola. 

Abiria huyo alikimbizwa hospitali kwa matibabu, na abiria wote walishushwa katika ndege na wengine kusubiria hotelini kw amuda kabla ya kuendelea na safari yao.