DAVID DE GEA ALITAMANI KUITOSA MAN U KUTOKANA NA LAWAMA

Kipa wa Manchester United, David de Gea alifikiria kuihama timu hiyo kufuatia kushutumiwa tangu ajiunge nayo kwa kitita cha paundi milioni 18 akitokea Atletico Madrid mnamo mwaka 2011.

Mhispania huyo alilaumiwa kwa magoli ya mwaka 2011 katika mchezo wa ngao ya Hisani dhidi ya Manchester City, na pia kwa makosa yake dhidi ya Basle na Benfica yaliyoipelekea Manchester United kufunga virago mapema katika Ligi ya Klabu Bingwa Ulaya katika msimu huo.

Hata hivyo De Gea, ambaye sasa amecheza zaidi ya mechi 130 akiwa na Manchester United, amesema alifanikiwa kupita kwenye kipindi kigumu mno jambo lililochangia yeye kuboresha kiwango chake.