HISPANIA YAANZA UCHUNGUZI BAADA YA MUUGUZI MMOJA KUUGUA EBOLA

Uchunguzi unaendelea katika hospitali moja huko Madrid baada ya muuguzi Mhispania kuwa raia wa kwanza wa nchi hiyo kubainika kuwa na virusi vya ugonjwa hatari wa Ebola akiwa nchini mwake.

Muuguzi huyo alihusika katika kumtibu daktari Mmishonari ambaye alikufa kwa ugonjwa huo baada ya kusafirishwa kwa ndege hadi Hispania akitokea  Afika Magharibi kwa ajili ya kupatiwa matibabu.

Tume ya Ulaya imeitaka Hispania kuelezea ni kwa jinsi gani muuguzi huyo aliweza kuambukizwa virusi vya Ebola.

Ugonjwa wa Ebola umeshaua watu 3,400 tangu kutokea mlipuko wake wengi wao wakiwa ni kutoka nchi za Afrika Magharibi.