JAJI WA KESI YA OSCAR PISTORIUS ANATARAJIWA KUTOA HUKUMU

Mwanariadha wa Afrika Kusini Oscar Pistorius anarejea mahakamani baadae leo baada ya kutiwa hatiani kwa kumuua mpenzi wake mwanamitindo Reeva Steenkamp.

Pistorius amekutwa na hatia ya kumuua bila ya kukusudia Steenkamp mwezi uliopita na mahakama kumfutia uwezekano wa kosa la kuua kwa makusudi.

Jaji Thokozile Masipa anatarajiwa kusoma adhabu itakayomkabili Pistorius baada ya siku kadhaa za malumbano ya kisheria na ushahidi.

Pistorius anakabiliwa na kifungo jela cha miaka 15, ingawa Jaji Masipa anaweza kutotoa adhabu hiyo na badala yake amtake alipe faini.