LUIS SUAREZ AREJEA DIMBANI, AISAIDIA NCHI YAKE KUTOKA SARE YA BAO 1-1 DHIDI YA SAUDI ARABIA

Mshambuliaji mahiri wa timu ya taifa ya Uruguay na timu ya soka ya FC Barcelona ya Hispania, mng'ataji Luis Suarez amecheza mchezo wake wa kwanza wa kimataifa dhidi ya Saudi Arabia, katika mchezo uliomalizika kwa timu hizo kufungana bao 1-1. 

Huu ni mchezo wa kwanza kwa Suarez kuichezea nchi yake baada ya kuwa amefungiwa na shirikisho la soka ulimwenguni FIFA kucheza kwa miezi minne pamoja na kukosa michezo tisa ya kimataifa kufuatia kumng'ata Giorgio Chiellini wakati Uruguay ilipocheza na Italia katika fainali za kombe la dunia zilizofanyika Brazil mwaka huu.