MWANARIADHA OSCAR PISTORIUS AREJEA TENA MAHAKAMANI KUJUA HATMA YA HUKUMU YAKE

Mwanariadha mlemavu wa Afrika Kusini Oscar Pistorius amerejea mahakamani tena hii leo katika siku ya pili ya malumbano ya hukumu yake iwapo afungwe jela kwa kumuua mpenzi wake Reeva Steenkamp.

Hapo jana Mwendesha Mashatka alikasirishwa na afisa wa adhabu mbadala kuitaka mahakama impatie kifungo cha nyumbani pamoja na kufanya kazi za kujitolea za jamii, na kusema ombi hilo halikubaliki.

Mwezi uliopita mwanariadha huyo alipatwa na hatia ya kumuua kwa kumpiga risasi mpenzi wake huyo bila ya kukusudia, na kufutiwa shitaka la kuua kwa makusudi lililokuwa likimkabili.

Pistorius anakabiliwa na kifungo jela cha miaka 15, ingawa Jaji Thokozile Masipa anaweza kutotoa adhabu hiyo na badala yake amtake alipe faini.

                                                 Oscar Pistorius akiingia mahakamani hii leo