RAIS KENYATTA AHAIRISHA KWA MUDA ZIARA YAKE YA KAUNTI YA KISUMU

Rais Uhuru Kenyatta amehairisha ziara yake ya siku tatu katika kaunti ya Kisumu, iliyokuwa imepangwa kuanza kesho baada ya kufanya mkutano na viongozi wa Nyanza Ikulu Jijini Nairobi.

Katika taarifa iliyotolewa na mshauri wa rais Bw. Joshua Kutuny, ziara hiyo imehairishwa hadi wiki ijayo katika kutoa fursa ya maandalizi mazuri, ili ziara hiyo iwe ya mafanikio katika kaunti hiyo ambayo ni ngome ya mpinzani wake mkuu Bw. Raila Odinga.

Katika ziara hiyo, Rais Kenyatta anatarajiwa kufungua miradi kadhaa huko Kisumu pamoja na kuongoza kikao cha baraza la mawaziri.