CHINA YAIOMBA KENYA KUWAKABIDHI WACHINA WANAOSHIKILIWA NAIROBI

Serikali ya China imewasilisha rasmi ombi la kuitaka nchi ya Kenya, kuwakabidhi kwao wachina 76 ambao wanakabiliwa na kesi ya uhalifu wa kimtandao Jijini Nairobi.

Watuhumiwa hao walikamatwa Jijini Nairobi, wameiba shilingi bilioni 1.5 za Kenya kwa watu mbalimbali nchini China kwa kutumia njia ya mtandao, mamlaka za China zimesema.

Balozi wa China nchini Kenya, Liu Xianfa, ameiandikia barua Wizara ya Mambo ya Nje akitaka watuhumiwa hao wakabidhiwe China kutokana na uchunguzi kubaini wote walioibiwa fedha hizo ni raia wa China.