MTU MWENYE BASTOLA FEKI ASITISHA MATANGAZO YA TV NCHINI UHOLANZI

Mwanaume mmoja aliyekuwa na bastola feki, amekamatwa baada ya kuvamia studio za kituo cha televisheni ya taifa ya Uholanzi ya NOS, na kupelekea taarifa ya habari ya usiku kutorushwa.

Mwanaume huyo aliyevalia vizuri akiwa ameshika mkononi bastola hiyo refu yenye kiwambo cha kuzuia sauti, alifanikiwa kupenya na kuingia studio, na kushinikiza apewe muda wa kuongea hewani.

Kufuatia tukio hilo kituo hicho cha TV cha NOS, kililazimika kuzima matangazo yake kwa muda wa saa moja, lakini kamera ziliendelea kumrekodi mwanaume huyo hadi pale polisi walipofika na kumkamata.

                     Mtu huyo akiwa amenyanyua mikono baada ya polisi kuingia studio

                                                           Polisi wenye silaha wakimsogelea mtu huyo 

              Polisi wakimkandamiza chini ya sakafu mtu huyo ili kumfunga pingu