NGUVU ZATUMIKA KUMALIZA MGOMO WA WAHAMIAJI KUTOKULA KATIKA ENEO WANALOSHIKILIWA

Kiongozi wa Australia Tonny Abbot amesema mgomo wa kutokula wa wahamiaji katika eneo wanaloshikilia umemalizwa.

Kauli yake imekuja baada ya walinzi katika kambi ya kisiwa cha Manus Papua New Guinea, kuingia kwa nguvu katika eneo ambalo wahamiaji hao walikuwa wanashikiliwa ambalo waliamua kujizungushia uzio.

Baadhi ya wahamiaji hao imeripotiwa kuwa wamekamatwa katika operesheni hiyo, ambayo imekuja baada mgomo huo uliodumu kwa wiki moja. Hata hivyo wanaharakati wamedai baadhi ya wahamiaji bado wanaendelea na mgomo wa kutokula.