WANAOUPINGA UISLAM NA WANAOUUNGA MKONO UISLAM WAANDAMANA UJERUMANI

Watu 25,000 wameweka rekodi kuungana na maandamano ya kuupinga uislam Dresden nchini Ujerumani, yaliyoitishwa baada ya kutokea mashambulio ya ugaidi Jijini Paris nchini Ufaransa.

Waandamanaji wamekaidi wito wa serikali ya Ujerumani, wa kuwataka kuachana taasisi ya Pegida inayoendesha kampeni ya kupinga uislam.

Kwingineko Ujerumani makumi ya maelfu ya watu wamejiunga na maandamano ya kuipinga msimamo wa taasisi ya Pegida.

Kiongozi wa Ujerumani Kansela Angela Merkel amesema atashiriki maandamano yaliyoandaliwa na Waislam katika Jiji la Berlin yenye lengo la kuhimisa umuhimu wa kuvumiliana kiimani.