BEBE COOL, JOSE CHAMELEONE WAKOSA TUZO, WAKATI DIAMOND AKING'ARA

Wasanii nyota wanaotamba mno nchini Uganda Bebe Cool pamoja na Jose Chameleone wameambulia patupu katika tuzo za muziki za (MAMA) zilizofanyika huko KwaZulu-Natal nchini Afrika Kusini.

Bebe Cool alikuwa akiwania tuzo ya video ya mwaka kupitia traki yake ya “Love You Everyday”, alipoteza dhidi ya Mnaigeria Adriaan Louw aliyeshinda na traki yake ya “Nafukw,” naye Chameleone alipoteza tuzo yake dhidi ya Mnaigeria D'Banj aliyeibuka kidedea.

Hata hivyo kukosa tuzo kwa Bebe Cool ndiko kulikoibua mijadala mno katika mitandao ya jamii kutokana na ukweli mashabiki walikuwa wakitarajia majigambo mno kutoka kwa msanii huyo iwapo angeshinda tuzo.

Wakati wasanii hao wa Uganda wakiangukia pua msanii Diamond Platnamuz aliibuka kidedea na kuing'arisha Tanzania na Afrika Mashariki kwa ujumla baada ya kutwaa tuzo ya MAMA Best Live Act, vile vile alipata fursa ya kutoa bonge la shoo.