LEWIS HAMILTON AJIUNGA NA MADEREVA WENGINE KATIKA MSIBA WA MWENZAO JULES BIANCHI

Dereva wa mbio za magari za Langalanga Lewis Hamilton ni miongoni mwa waombolezaji waliofika leo asubuhi kujiunga na ndugu wa marehemu dereva wa mbio hizo Jules Bianchi katika maziko yake.

Bianchi alifariki dunia Ijumaa ikiwa ni miezi tisa kupita tangu apate ajali mbaya katika mbio za Japan Grand Prix na kuwapo kwenye koma kwa muda wote huo.

Akiwa amevalia suti nyeusi Hamilton aliungana na madereva wenzake Nico Rosberg, Jenson Button pamoja na Romain Grosjean, akiwa na mkewe Marion Jolles katika kanisa la Sainte Reparate Cathedral katika mji wa marehemu Bianchi wa Nice, France.