MBUNGE WA VITI MAALUM MKOA WA DODOMA KWA TIKETI YA CCM, MARIAM MFAKI AMEFARIKI

Mbunge wa viti Maalum Mkoa wa Dodoma kwa tiketi ya CCM, Mariam Mfaki amefariki dunia leo mchana akiwa amelazwa katika hospitali ya Mkoa wa Dodoma.

Mtoto wa marehemu Muhammed Mfaki amesema mama yake alikuwa akisumbuliwa na maradhi ya saratani tangu mwaka 2012.

Amesema kuwa mama yake Mariam hali yake ilikuwa mbaya kuanzia juzi saa sita usiku na ndipo alipokimbizwa katika hospitali ya mkoa wa Dodoma hadi umauti ulipomkuta hii leo.